رسم روزگار

عینکی دوشدی گوزوندن دیده تار اوینور قوجا
بللی دور فرمان آپارمیر مغزیدن اعضالری
هر بیری بیر ساز چالیر بی اختیار اوینور قوجا
سعی ائدیرتاپسون کی بلکه دوردوقو یئرده قرار
لرزش اعضاسی قویمور بی قرار اوینور قوجا
واردور آغزیندا سوزی ، ایستیر دییه ،گلمیر دیلی
قاش آتیر گوز اوینادیر مثل نیگار اوینور قوجا
دردینی وئرمیر بروزه آه چکیر باش ترپه دیر
اوز گوزوندن غم یاغیر اندوهبار اوینور قوجا
گوزلرینده گورسه نیر کیم التماس حالینده دیر
گه نظر سالمیش یمینه گه یسار اوینور قوجا
جذبه ی ایامدن چخمیش کناره قدرتی
بیر قیچی قبر ایچره دیر بیر قیچ کنار اوینور قوجا
یئل اسر گویده نئجه اوینار خزان یاپراقلاری
یئل دگن یاپراق کیمی بی بند و بار اوینور قوجا
روزگارین رسمیدور آخیرده بیر دور اوینادیر
چالما دای لازم دگیل بی ساز و تار اوینور قوجا
دقت ایستر گوزده تا عبرت آلان بو رقصدن
آخرین بیر رقصدور با روزگار اوینار قوجا
احتضاری چوخ یاخوندور انتظار حالنده دور
جان گلوبدور بورنونا چشم انتظار اوینور قوجا
آخرین شلاقی وورموش پیکرینه روزگار
تولانیر اوز دورونا شونقار وار اوینور قوجا
سنده (اصلانی) گرگ بو صحنه ده بیر اوینویان
نسل آینده دیه گور نه بیآر اوینور قوجا

عباس امیر اصلانی

/ 6 نظر / 50 بازدید
محمود

خیلی عالی بود [گل][گل][گل][گل][گل][گل][گل][گل][گل][گل][گل][گل][گل][گل][گل][گل][گل][گل][گل][گل][گل][گل][گل][گل][گل][گل][گل][گل][گل][گل][گل][گل][گل][گل][گل][گل][گل][گل][گل][گل][گل][گل][گل][گل][گل][گل][گل][گل]

سيد

سلام روزها آفتاب و شبها برايتان مهتاب آرزومندم. آغاز هفته ي خوبي داشته باشي [گل]

هزاران گنج

سلام استاد بزرگوار و مهربانم[گل][گل][گل][گل]مقدمتان گل باران[گل]خوشحالم که مورد پسندتان واقع شد راستش این پست رو اوایل وبلاگنویسی ام نوشته بودم راستش فرصت نداشتم ویرایشش کنم فقط بروزش کردم تا تنوعی در وبلاگ بوجود بیارم بهرحال شما مثل همیشه بهم لطف دارید برایتان آرزوی سلامتی و شادکامی دارم بزرگوار[گل][گل][گل][لبخند]

هزاران گنج

[گل][گل][گل]سلام استاد بزرگوار[گل]زبان ترکی نمیدانم ولی برای شما و این شاعر بزرگوار آرزوی سلامتی و بهترینها را دارم[گل][گل][گل]

سعیدی

سلام اولسون "قوجاحرمتی الله حرمتیدی" احترامیزوعومروزآرتق،چوخ گوزل،یاخچی قوجالیغی سوئلمیشیز ساغ یاشیاز. بیزده باش ورماغیزدان چخ سپاس

توركجه طنزلر

سالاملار آللاه هامي قوجالارا ساغليق وئرسين گؤزل شعرايدي . ياشا [گل]