آتالار سوزو  و مثل لر


آتالار سوزو حیکمت دی

آتا سوزون توتمایانی بیابانا آتالار

آتا چوره گی میدان چوره گی  - اوغول چوره گی زیندان چوره گی

آتا اولمویان آتا قدرینی بیلمز

یوخا قلم ایشله مز

 آج دئیَر دو یمارام، توخ دئیَر آجیقمارام.

 آتا اولماق آساندیر، آتالیق ائتمک چتین.
 آجیقلی دیلنچی نین تورباسی بوش.
 آدامین آغزی آشا چاتاندا باشی داشا چاتار.
 آغاج توتان باش یاراندان چوخدور.
آنامین آشی، تندیرین باشی.
 آت ایسته ‌دی ائکیز دوغا، ووردو قارنی جیریلدی.
 آت کیمیندیر؛ مینه ‌نین، دون کیمیندی؛ گئیه ‌نین.
 آتالاردان قالان سؤزدو.
آغاج اَییلدی سیندی، ایگید اَییلدی اؤلدو.
 آغاجی اؤز ایچیندن قورت یئیَر.
 آغیل باشدا اولار، یاشدا اولماز
×××××××××××××××××

اوتن زامانلاردا ایکی باجی واریمیش . بیری وارلی بیری یوخسول . گونلرین بیر گونونده یوخسول باجی وارلی باجینین ائوینه گوروشه گئده ر . وارلی باجی او گونو فطیر پیشیرمه یه مشغول ایدی . اوزاقدان یوخسول باجی سین گوره ر کن فطیرلری ایستی ایستی اوز قیچینین آلتیندا گیزله ییر تا مجبور اولوب اونلاردان یوخسول باجی یا وئرمه سین . یوخسول باجی بو وضعیتی گورنده اوره ک ده ن بیر آه چکیب دئییر :

باخچادا گوللر باجی

اوخور بولبول لر باجی

فطیر گوتوو یاندیرار

گئچر بو گونلر باجی !

منبع :http://aharmanimyurdum.blogfa.com/
××××××××××××××××××××××

 

الله ائششه ییی تانیدی، بوینوز ورمه ‌دی.

 

الله داغلارا باخار قار سالار.

 

آلا قارغا بالاسین چوخ ایستر، کوره قویون گؤزون چیخاردار.

 

آیینین مین‌ بیر اویونو اولار، بیر گیردکان اوسته.

 

آشیغی ییغارلار اویناماقدان اؤترو.

 

آتی آتین یانا باغلاسان همرنگ اولماسا هم خوی اولار.

 

اَتیمی یئسه، سومویومو آتماز.

 

اتی دیرناقدان آییرماق اولماز.

 

اربابین مالی گئدر، نوکرین جانی چیخار.

 

اصفهان‌ نان گلن قیرخ گون آنقیرار.

 

اکدیگیم نخود! بیچدیگیم نخود! بازارا گلدین لبلبی اولدون؟

 

اکمه نامرد زمیسین، نه بیتر نه دَن باغلار.

 

اَل اَلی یویار، اَلده دؤنر اوزو یویار.

 

اَل ایشلر گؤز قورخار.

 

اَله یَی اله‌ نیب، قلبیری گؤیده فیریلدیر.

 

اَلی اَله وورسان سس گلر، تک اَلین سسی اولماز.

 

اَلینن آچیلان دویونو نییه دیشینن آچاسان.

 

انجیردن کامین آلیپ ناره یئریکله‌ ییر.

 

او آدامننان قورخ کی آلاهیننان قورخماز.

 

اوددان کول تؤرر، کولدن اود.

 

اوجا آدامین عقلی توپوغوندا اولار.

 

اوغول اؤلومو گؤز تؤکر، قارداش اؤلومو بئل بوکر.

 

اووچو ‌یا داغ گؤرسه درلر، اوو گؤرستمزلر.

 

اویاق گؤز یالان دئمز.

 

اؤرتولو بازار، دوستولوغو پوزار.

 

اورک یانار، گؤز یاشی چیخار.

 

اؤز آدین اؤزگه‌ دن سوروشور.

 

اؤزگه آتینا مینن تئز دوشر.

 

اوزومه باخ حالیمی خبر آل.

 

اوزومو اونلو گؤروب آدیمی دَییرمانچی چاغیرما.

 

اؤزونه ایینه باتیر، یولداشینا تَبنه.

 

اؤکوز بندیندن آچیلسا دای بندینه سیغیشماز.

 

 

 

پنجم فروردین یکهزارو سیصدونودودو

جلال

سؤزلرین سؤزو (1)

حاضیرلایان: فاطمه نصیری

1-    آباد اولاسان خالخال، بوران یاتار، یئل قالخار

2-    آباد یئرین بولبولو، خاراب یئرین بایقوشو

3-    ابدال‌دان پاشا اولماز، تخته‌دن ماشا

4-    یاشیل دونوم پاریللار، باغیرساغیم قوروللار

5-    آتا- آنا اول، آتا آنا قدرین بیل

6-    آتان بیلیجی‌دیر، سنه‌نه!

7-    تا ائوینده بالیق باشی، ار ائوینده تویوق آشی

8-    آتامی، آنامی ایتیردیم، اؤزومو سنه یئتیردیم

9-    آت‌ آت اولونجا، ییه‌سی مات اولار

10-آت طویله میخین چکر، بیرین یئره وورار بیرین اؤزونه

11-آت کیمین‌دیر مینه‌نین، دون کیمین‌دیر گئیه‌نین

12-آت گؤرنده آخسار، سو گؤرنده سوسایار

13- آتی ایتیریب، نوختاسین آختاریر

14- آتیلان اوخ، گئری گلمز

15- آتین مایادیر، ایشین زایادیر

16-آج اؤلمز گؤزو قارالار، بوجلو اؤلمز رنگی سارالار

17-آج اؤله‌سن، گئج اؤله‌سن

18-آج آمان بیلمز، اوشاق زامان

19-آجا دوققوز یورقان اؤرتسن‌ده، یاتا بیلمز

20-آجین ایمانی اولماز، توخون آمانی

21-آجین قورشاغیندا، چؤرک تاپیلماز

22-آج دئییر توخ اولمام، توخ دئییر آج اولمام

23-آج کؤپک اؤزونو، آسلانا وورار

24-آج قورد، آغیز- آغیزا یاتار

25-آجین ائوینده نه اود اولار، نه اوجاق

26-آجین قارنی دویار، گؤزو دویماز

27-آجین قورساغین، چؤرک دویورماز

28-آجیندان قوروت قاپیر

29-آج قویون، ویران دگیرمان، یییه‌سینه باش آغریدار

30-آچیق آغیز، آج قالماز

31-آخار سویا دایانما، هر بیر سؤزه اینانما

32-آخماق قارقانین یومورتاسی، لاقّ اولار

33-آخماغین عقلی گؤزونده اولار

34-آخیردا گولن، یاخشی گولر

35-آدام آدام‌دیر اولماسا پولو، ائششک ائششک دی اولماسادا چولو

36-آدام اون دور، دوققوزو دون دور

37-آدام ایچینده سؤز، اوجاق ایچینده کؤز

38-آدام مین آجینی اوتار، بیر شیرین‌دن اؤترو

39-آدام وار دیل ایله پول تاپار، آدام وار پول ایله قول تاپار

40-آت‌دان دوشموشوک، آددان کی دوشمه‌میشیک! »

* بو یازی بایرام مجله سین دن گؤتورولوبدور

+ نوشته شده در  دوشنبه 1391/04/05ساعت 12:48  توسط علی محمد بیانی  |  4 نظر

جلال 

 

آت و ایت آتا بابا لار سوزونده

                            اینسان اوتن زامانلاردان ، اوز کئچیردیگی حایاتیندا چتینلیک لره غلبه ائتمک اوچون ، سایر جانلی لاردان دا یاردیم آلیب ، اونلاری اوز حایاتینا داخیل ائتمیش دیر . بو ذکالی موجود داغدا داشدا ، سفرینده ، اکین اوستونده ، ساواش میدانلاریندا و یاشاییشین تامام ساحه لرینده بو حئیوانلاردان باشاردیغی قده ر ایستیفاده ائتمیشدیر . دوه ، ایت ، آت ، اینک ، قویون و ... او جانلی لاردان حساب اولور . آمما بونلارین ایچینده ، ایکی حئیوان بیری وفالی حئیوان تانینیب و بیری ده نجابت ده مشهور اولوب آتا بابا سوزلرینده گئنیش یئر آلیب و آد قازانیب لار :

 -        آت اولنده ایتین بایرامی دیر !

-        ایت یاتار تایا کولگه سینده دئیه ر به کی اوز کولگه سی دیر !

-        آتی آتین یانیندا باغلاسان هم رنگ اولماسادا هم خوی اولار !

-        آت آلمامیش آخیرین چکدیریر !

-        یوگره ک آت اوزونه قمچی ویردیرماز !

-        کور آتین کوردا نال بندی اولار !

-        آت اولسه یه هری قالار آدام اولسه آدی !

-        میدانی بوش گوروب آت دولاندیرما !

-        آت ساتان قاطیر آلا بیلمز !

-        ایت اوتاریر !

-        ایت کیمی یئددی جانی وار !

-        ایت قورساغی یاغ گوتورمز !

-        کور آتی مینیب کونده لن چاپماق !

 بونلار هامیسی بیزیم ان قدیم زامانلاردا عومور سوروب یاشایان آتا بابالاریمیز دان بیزه یادیگار قالان سوزلر دیر . بو ده یرلی سوزلری زامانین آفت لری و حادیثه لرین ده ن قورویوب و سونکی نسیل لره یئتیرمک بیزه بویوک بیر تکلیف دیر !

 نوشته شده توسط حسن مجدنیا |  

جمعه بیست و ششم اسفند 1390