آنا یوردوم قلتوق
نویسنده: قلتوقی - ۱۸ آذر ۱۳٩۳

جانا قوجا جان مسجد " ساق میزره"(اسحاق میرزا ) عیاندور ، اوردا وئریلن چای ، دیه سن قیرمیزی قاندور ، گر ویرمه سه لر چای ، ایشین آه و فغاندور ، خلاف بو زماندور.....


به به  نجه چایلار ؟ دیه سن عارض دلبر ، وئریر عطر چو عنبر ، ایچیر فرضعلی قنبر ، ویریر گوزلری پرپر ، آخیر چاتینه تک تر.... اوندان بویورور فرضعلی : آی آمشه قنبر ، منه مونس و یاور، داخی دورما برادر ، ال آت کیسه یه قارداش ، دولدور چوبوقی تا چکوب نئشه اولوم ، عرض ایلیوم من سنه بیر قصّه دیرین ، اودور صحبت شیرین ، زنگاندا منی جمله خلایق تانیولّار ، منم فرضعلی قصّاب ، منم چوخلی خوش حسّاب ، طبعیم شووَرَن  تک اولوبان هر طبعلن باب ، وصفیمی اگر مطبعه ده ایلیه لر چاپ ، پایانه یتیشمز ، منیم آرتیخدی خصالیم ، منیم آرتیخدی کمالیم ....

بیرگون مشه قنبر ! دکانیمدا اوتوموشدوم ، آئینه ی قلبین غمینی پاک یوموشدوم ، دنیا وَرَمی ذرّه جه یوخدور ئوره گیمده ، ایّام جوانلیق گوجی واردور بیلَگیمده ، سجاده قاباخدا ائدیرم عجزیله زاری ، ( الله بیزه بیر رحم و ترّحم ائله باری ، تا برهم اولا قلبیمیزین گرد و غباری ، وجدیله و شوقیله گَلَک بیز سنه ساری ....).

بو واقعه ده گلدی قولاقیمه صدایی ، گوردوم چیغیریر بیر نفر آی فرضعلی دایی ! تاخیر ائله مه ، دورما ، دایانماق گونی گئچدی ، اسلام خری تاپلادیلار دای گونی هئچدی....

دوردوم مشه قنبر ! دییه سن شیر غضبناک ، گوتدوم پوزاناق و ساطوری ، خشگری ، بی باک ، وئردیم ساطوری سیفی بالابانچی الینه ، خارت سلطانعلی خشگری باغلادی بئلینه ، منده پوزاناقیله گیده ک چوقّورا ساری ، گوردوم چکیر "اشّک نقی " دروازه ده جاری ، : ای دروازه اهلی ، نیه خاموش دوروبسوز ، تولکی کیمی یکسر هامی بوینوزی بوروبسوز ، یوخ سیزده مگر ذرّه جه انصاف و مروّت ؟ لازیمدی بیزه ایلییک " اسلامه " حمایت ، " اسلام " بیزه سرداردی سَروَر ، بو محله ده ، وار چوخلی کیشینون آدی و سانی ، بو شهریده لازمدی دکانلار دَریلوب دسته قورولسون ، بیر حزب دوزَلسین ، نی و نقّاره ویرلسین ، بو حزبه گرَک ، فرضعلی قصاب اولا سَروَر ، بو عدّه نی تا چوقّوره تک ایلیه رهبر،، چون جنگ و جَدَل ده  یَد طولا واریدور چوخ ، قوّتلی دی ، قدرتلی دی ، بیرباک و هراس یوخ ، هرکیمسه اگر ائتمییه بو امره اطاعت ، قویمام بیله سینده قالا بیر ذرّه شرافت !...

بو سوزدن اولوپ دروازه چون روز قیامت ، باغلاندی دکانلار یغیلیب کلّ جماعت ، القصّه او دروازه ده بیر هنگ دوزه لدی ، اول هنگه نچه سرتیپ و سرهنگ دوزه لدی ، اولموش "اَجی بقّال" و " تبارک " بیزه سروان ، اشّک رحیم و خارت غلامحسین ده گروهبان 

.........................................................................................................

........................................................................................................

........................................................................................................

بیر لحظه بیله بیلمه دیم آنجاق نه خبردی ، آچدیم گوزومی اوندا نه گوردوم که سحردی !!!!!قهقههقهقههقهقهه

فریدون دادخواه 1320

قلتوقی
یک استکان چای داغ مهمان منی ....چای رفاقت ما همیشه تازه دم است.
نویسندگان وبلاگ:
کدهای اضافی کاربر :