آنا یوردوم قلتوق
نویسنده: قلتوقی - ۱٥ آبان ۱۳٩۳

روزگار آلمیش گیرین بی اختیار اوینور قوجا
باش اسر تیترر بدن گوزلر خمار اوینور قوجا
اومما سی وئرمیر ایجازه قوزویا یئردن قیچین
لپلیری ساقه سولا مانند مار اوینور قوجا
کلّه سی اوسته گئدیردی دادینه چاتدی عصا


عینکی دوشدی گوزوندن دیده تار اوینور قوجا
بللی دور فرمان آپارمیر مغزیدن اعضالری
هر بیری بیر ساز چالیر بی اختیار اوینور قوجا
سعی ائدیرتاپسون کی بلکه دوردوقو یئرده قرار
لرزش اعضاسی قویمور بی قرار اوینور قوجا
واردور آغزیندا سوزی ، ایستیر دییه ،گلمیر دیلی
قاش آتیر گوز اوینادیر مثل نیگار اوینور قوجا
دردینی وئرمیر بروزه آه چکیر باش ترپه دیر
اوز گوزوندن غم یاغیر اندوهبار اوینور قوجا
گوزلرینده گورسه نیر کیم التماس حالینده دیر
گه نظر سالمیش یمینه گه یسار اوینور قوجا
جذبه ی ایامدن چخمیش کناره قدرتی
بیر قیچی قبر ایچره دیر بیر قیچ کنار اوینور قوجا
یئل اسر گویده نئجه اوینار خزان یاپراقلاری
یئل دگن یاپراق کیمی بی بند و بار اوینور قوجا
روزگارین رسمیدور آخیرده بیر دور اوینادیر
چالما دای لازم دگیل بی ساز و تار اوینور قوجا
دقت ایستر گوزده تا عبرت آلان بو رقصدن
آخرین بیر رقصدور با روزگار اوینار قوجا
احتضاری چوخ یاخوندور انتظار حالنده دور
جان گلوبدور بورنونا چشم انتظار اوینور قوجا
آخرین شلاقی وورموش پیکرینه روزگار
تولانیر اوز دورونا شونقار وار اوینور قوجا
سنده (اصلانی) گرگ بو صحنه ده بیر اوینویان
نسل آینده دیه گور نه بیآر اوینور قوجا

عباس امیر اصلانی

قلتوقی
یک استکان چای داغ مهمان منی ....چای رفاقت ما همیشه تازه دم است.
نویسندگان وبلاگ:
کدهای اضافی کاربر :