مجلس عشرتده دائم ساز و بار اولسون گرک

 عارضی گلناره بنزه ر بیر نگار اولسون گرک


 دلبرین زلفی شب یلدا، جمالی چلچراغ

 لبلری خوشرنگ وضع آبدار اولسون گرک

  یازدیلار بومصراعی بیر نامرادین داشینا

 "نفسینه مغلوب اولان خاک ایچره خوار اولسون گرک"

  صاحب وجدان اولان ، هم نوعینی خوار ایسته مز

 بیر پریشان حال گورجک بیقرار اولسون گرک

  بیر جوانین من دونن گوردیم جیبینده یوز تومن

 ایندی بیر دیناری یوخ باعث قومار اولسون گرک

  واعظ بی مدرکین باشی نه قدر زنده در

 کنج غربتده جوانلار اختیار اولسون گرک

  برفی انبار ایلمیش گوگلرده چون خلاقیمیز

 پرده ده اعیانیمیز انباردار اولسون گرک

  حق ئوزی عالیمدی صنعتکار یوخ ایرانده

 استکان و نعلبکی گویدن نثار اولسون گرک

  مصلحت بیلسیدی خالق، خلق ائدردی ماشینی

 خلق ائدیب ائشّکلری، ملت سوار اولسون گرک

  یا گرک تزویر ائدم، یا باش و جانیمدان گچم

 عمری باشه وئرمگه شام و نهار اولسون گرک

  رخنه دار اولسون شریعت، پایمال اولسون وطن

 هر نولور اولسون، مریدیم بیشمار اولسون گرک

  گئتدی اسلامیت الدن ای قولاغی توکلیلر

 تازه مکتبلر بناسی تار و مار اولسون گرک

  ای جماعت جمع اولون جیغ بیغ صداسین قطع ائدین

 لام زبر لین، جیم زیر جین پایدار اولسون گرک

  تازه چیخمیش بو کتابه بیر تماشا ایلیون

 بو ایلان، بو قورباغا، بو سوسمار اولسون گرک

  بو یوغون قویروقلی حیوانی تانیرسیز یا خیر

 آلتینا یازمیشلا تولکی ، حیله کار اولسون گرک

  بوش یره آلله بلا گونده رمیری بیز میلّته

 یوز بلا و محنته فاسق دچار اولسون گرک

×××××××××××××××××××××××××××××××××

 چیخدی گون ایندی گلیر یار الده نار ای دوستان

 وه نه خوشدور روز عیده وصل یار   ای دوستان

 بوسه نین نرخین منجّم چوخ باها یازمیش بو ایل

قورخیرام الدن گئده دار و ندار ای دوستان

 کئف نه لازمدی جوانه، ساقیا می وئر منه

عفو ائدین چون اولمیشام بی اختیار ای دوستان

 گئتدی باده باد سرما مژده ای یاران من

قاری پامال ایلدی باد بهار ای دوستان

 کرّۀ ارضه حرارت وئردی نور آفتاب

آز قالیر باش قالدیرا یرده نه وار ای دوستان

 غلغله افلاکه سالمیش ایندی هر بیر شهرده

صوت مطرب، بانک نی، آواز تار ای دوستان

 طالب دم دود اولان عزم خراسان ایله سین

بو مقدس یرده اولماز دارّادار ای دوستان

 اویناما، چالما، دانیشما، گولمه، دینمه، لال اوتور

یاخشیدور مین دفعه بوردان بیر مزار ای دوستان

 نه تجارت، نه زراعت وار بو ویران خانه ده

وار فقط بیر گوز یاشی، بیر آه و زار ای دوستان

 منفعت یوخدور شبسترده جماعت الفرار

یاخشیدور ملک گونئی ده شندوار ای دوستان

 کوچه لر دار، زیغ چومور، ممکن دگیل سئیر ایلمک

وای او گوندن که دولار ابر بهار ای دوستان

 گوز گوزی گورمز، گئجه یاران گوزتلین کندیزی

قورخورام هم باشیزی یارا دیوار ای دوستان

 بیر ایشیق لازمدی ایندی تا بو ظلمتدن چیخاق

قوی سیزه بیر سوز دییم مثل فنار ای دوستان

 تازه بیر یر یاپدیریب اعیان ملت سئیر ایچون

گورمیوب هرگز نظیرین روزگار ای دوستان

 گرچه ملت باخچاسی تفلیسده هم باکودا وار

هئچ بیری اولماز بونیله هم عیار ای دوستان

 چیخ حمامین دامینه سئیر ایله ملت باخچاسین

گون باتان سمتنده دور بو لاله زار ای دوستان

 حور عین ایستر خدادن مؤمن بی معرفت

خازن جنت گولر بی اختیار ای دوستان

 باغلامازلار مرکبی انسان یرینده هیچ وقت

جنتی فرض ائتمیون دار الحمار ای دوستان

 دورموشام سدّ سکندر تک گلین میدانیمه

سویله رم هل من مبارز آشکار ای دوستان

 معجزین تیغ زبانی چون غلافیندن چیخار

قهرمان اولسا قاباغندان قاچار ای دوستان

××××××××××××××××××××××××××

در سال 1309 در قصبۀ شبستر در خانۀ یکی از تجاز محل به مناسبت اقدام و افتتاح مدرسۀ دخترانه از طرف جمعیت مجلس اعانه جمع آوری شده بود مرحوم معجز شعر زیر را خوانده است که در ادامه مطلب ارائه میگردد :

 

 داغا دوشدی قار، دوندی قانلار گینه

گیین کورکی ای ناتوانلار گینه

 

پاییز فصلی چوخ غملی بیر وقتدر

پاییزدا ئولن خیلی خوشبختدر

پاییز پولسوزا مرگدن سختدر

 ئولوم ایسته ییر "بی قرانلار" گینه

  

بو ایل چوخ بلالر ویروب ال اله

 ملخ، درد اسهال و هم زلزله

 تمام اولدی ظن ائتمه یین وار هله

 صغیر و کبیر امتحانلار گینه

  

خسیسلر کسیب جوتدیغین دوره سین

 کومورچی دییر وئر گوره ک کوزه سین

 آلانلار ساتانلار اوجالدیر سه سین

 دییر بیر بیره پیس یامانلار گینه

  

قوروب مجلس اگلشیب خان کیمی

 نه خان بلکه حضرت ، سلیمان کیمی

 باخون گورنه سام و نریمان کیمی

 بورور بوغلارین قومسیانلار گینه

  

شفیقان منه یار وانصر در

 طرفدار تخریب بازار در

 کولونگه سالیب دسته بیعار در

 وورون باشه ای آغلیانلار گینه

  

چکرلر خریطه خیابان ایچون

 خیابان نه لازم مسلمان ایچون

 بیر آز پی ویرون خلقه درمان ایچون

 که قیش گلدی چاتلار دابانلار گینه

  

وئرین سیز منه بیر عدد کله قند

 وئریم منده بیر مژدۀ دلپسند

 او مژده بو در ایتدی قدین بلند

 مبارز طلب قهرمانلار گینه

  

دئدیم بارها من معارضلره

 قالار روسیه لیق فقط سیزلره

 ائدر لر بنا مدرسه قیزلارا

 گلر شوقه بیر گون جوانلار گینه

  

سوزوم اولدی سبز آچدیلار مدرسه

 بنات گونئی وئردیلر سه س سه سه

 گوزیله گوروب لاپ یقین ایلسه

 خوروزلار چیخار دامدا بانلار گینه

  

علی بگدی بو خیر ایشین رهبری

 خصوصا او "ایرانی"، "جعفری"

 اونوتما مدیر هنرپروری

 قلم یاز گوره ک وار قالانلار گینه

  

مدد خرج لطف ائتدی تجارمز

 ایگیرمی تومن، اون تومن، اولدی یوز

 ترقی طلب فرقه دن راضییز

 یورولمازلا ایشلرله اونلار گینه

  

الهی به حق شه معجزه

 دوباره یوز ایل عمر وئر معجزه

 گئجه گوندوز اشعار یازسین سیزه

 اوخونسین او خوش داستانلار گینه

 مهرماه 1309

 

×××××××××××××××××××

و بیر آیری گوزل شعر معجزدن:

دییه للر غم یارانیب مندرس عبالر ایچون (می گویند غم و غصه برای انسانهای ژنده پوش و فقیر آفریده شده است )

 

دیین گدایه که حاضر اولا بلالر ایچون( بنابراین به گدایان بگویید که برای دریافت بلایا حاضر و آماده باشد  )

 

 سن ایشله صبح و مسا ای جفا کش دوران(تو ای انسان جفاکش  روزگار ، از صبح تا غروب کارو تلاش بکن  )

عمارت ایله بنا محترم آغالر ایچون( و برای آقایان محترم !!! عمارت و ساختمان بساز  )

 

او حجره، حجره دییب فروش ایده، درویش( او خانه ، خانه بگوید برای فروش - ولی درویش  )

اوحجره ده گیه جک یوخدی بینوالر ایچون( در آن حجره فقیرانه  ، لباسی برای ساکنان بینوایش وجود ندارد   )

 

قدر ایشین اوزادیر، پامبوغین قضا اگیره ر ( قضا و قدر پنبه ها را رشته کرده و فرشش را می بافد  )

فلک گیریپ پاچالا بیز توخور گدالر ایچون( فلک ، گدایان را داخل گونی انداخته و با جووالدوز می دوزد  )

 

گوزیوی یوم بچه بالی گورنده ای مسکین( ای فقیر ! وقتی که عسل و جوجه بریان را دیدی چشمهایت را ببند  )

اونی فقط قاییریب آری اغنیالر ایچون(که آنها را فقط برای اغنیا درست کرده است )

 

کباب ائدر اتین اعیان قویار پلو اوزونه( اعیان و ثروتمندان گوشتش  را کباب کرده و روی پلو می گذارند  )

خدا ائدیب قویونی خلق ناخدالر ایچون( زیرا که خدواند ، گوسفندان را فقط برای آن ناخدایان خلق کرده است  )

 

حنا و رنگی غبار ایله توزدی رنجبرین(حنا و رنگ موی (وسایل آرایش ) انسانهای رنجبر ، گردو غباری است که بر صورتشان نشسته است )

اکه ر حنا ایله رنگی او اغنیالر ایچون ( در صورتی که انسانهای زحمتکش ، همان حنا ورنگ مو را کاشته و تهیه میکنند برای اغنیا  )

 

بلانی سئودیگی انسانلارا وئره ر تاری(درد و بلا را خداوند به دوستان خود هدیه می دهد )

او بیر هدیۀ عظما در اغنیالر ایچون( آن یک هدیه بزرگ است برای اغنیا !!! )

 

قرا گوز حوریلری معجزه ساییر واعظ ( واعظ از حوریان سیاه چشم برای "معجز" تعریف می کند )

ئوزینده یوخ هوسی هئچ او مه لقالر ایچون( جای تعجب است  که خودش هیچ میل و هوسی به آن زیبا صورتان ندارد !!!)

×××××××××××××××××××××××××××××

در ادامه ، این شعر زیبا را از دست ندهید:

ییلمه دین

آغلادیم گوزیاشیمی گیزلینجه سیلدیم  بیلمه دین

دردین آلدیم جانیما     اولدوم-دیریلدیم  بیلمه دین

سن منیمله اوزگه لشدین یاندیریب  یاخدین منی

 من سنی ملک دلین سولطانی بیلدیم  بیلمه دین

سروتک آزادایدیم        طوفان اگنمزدی     باشیم

 قددیمی ائتدین کامان  یای تک اگیلدیم بیلمه دین

عشق سرداری کیمی  قورخمازدیم هئچ بیر کیمسه دن

 بیرسنه بیر عشقینه  آنجاق  یئنیلدیم  بیلمه دین

داش دا اولسام    اول  آیاقلار آلتینا  تورپاق اولوب

 بیر قوزو قوربان کیمی واللاه سریلدیم  بیلمه دین

 یوسیفی آغلار قویوب  گوزیاشینا  هئچ باخمادین

 اوچدوم آخیر قوش کیمی گوزدن ایتیلدیم بیلمه دین

"جلال "